स्टार एंटरटेनमेंट मीडिया प्रा.लि.ची मराठी मनोरंजन वाहिनी स्टार प्रवाह आता प्रस्तुत करत आहे प्रणय आणि रहस्याची नवीन कथा - धर्मकन्या. या मालिकेत दोन कुटुंबांमधील कलह आणि त्यामुळे एका तरुणीची होणारी ससेहोलपट याचे चित्रण पाहायला मिळणार आहे.
पिढयान् पिढया धनाढय जमीनदार आणि शक्तीशाली अशा धुरंधर परिवाराचे साम्राज्य येथे चालत आलेले आहे. दोन भाऊ धोंडीराज (दादासाहेब - अशित आंबेकर) आणि भुपेन्दराज (राजासाहेब - गुरूराज अवधनी) हे अनुक्रमे धोंडेवाडी आणि भोपेवाडी येथे आपली सत्ता गाजवत आहेत.
त्यांची आई विद्याताई धुरंधर (संध्याताई म्हात्रे) यांनी असे घोषित केले आहे की त्या हयात असेपर्यंत परिवाराची वारसा हक्काने चालत असलेली संपत्ती कोणालाही देण्यात येणार नाही पण जो ह्या इस्टेटीची चांगली देखभाल करू शकेल त्यालाच ही संपत्ती मिळेल. ह्या सगळया परिस्थितीमध्ये भोपेवाडीच्या हद्दीजवळ प्रिया (खुशबू तावडे) आपले वडिल, म्हातारे शाळामास्तर गजानन जोशी यांच्यासोबत राहत असते. प्रियाला आई नाही आणि तिच्या वडिलांनीच तिला लहानाचे मोठे केलेले आहे. ती आपल्या वडिलांना शाळा चालवण्यासाठी मदत करते. प्रिया अतिशय सुंदर आणि दयाळू स्वभावाची असून वाडीतील ती लाडकी आहे. ती गरीबांना मदत करते आणि सर्व छोटया मुलांची ती ताई आहे.
चंदकांत (राज पाटील) - दादासाहेबांचे दुसरे सुपुत्र प्रियाच्या प्रेमात पडतात आणि त्यामुळे फारच मोठे तणावाचे वातावरण निर्माण होते. राजासाहेबांना प्रियाचे लग्न त्यांच्या पत्नीचा भाचा गोप्याशी लावायचे आहे, जो मानसिकदृष्टया अधू आहे. सर्वांनाच ह्या गोष्टीचा धक्का बसतो पण राजासाहेबांच्या फर्मानापुढे कोणाचेच काही चालत नाही.
ह्या दोन परिवारांच्या तणावामध्ये प्रिया अडकते आणि तिच्याकडे तिच्या स्वत:च्या आत्मसन्मानासाठी आणि तिच्या म्हाताऱ्या वडिलांसाठी लढा देण्यास उभे राहण्यावाचून कुठलाही पर्याय शिल्लक राहत नाही.
विरेन प्रॉडक्शन्सची निमिर्ती, विरेन यांचे दिग्दर्शन असलेल्या धर्मकन्यामध्ये प्रियाच्या भूमिकेत खुशबू तावडे, संदीपच्या भूमिकेत श्रीजित मराठे, दादासाहेब आणि राजासाहेब यांच्या भूमिकेत अनुक्रमे अशित आंबेकर आणि गुरूराज अवधानी आणि विद्याताईंच्या भूमिकेत संध्या म्हात्रे आहेत. मराठी रंगमंच आणि छोट्या पडद्यावरील मातब्बर कलाकार मंडळींसह धर्मकन्या मालिका पाहणे अतिशय रोचक ठरेल.
